ريواچند نهالچند: نامور تعليمي ماهر ۽ جي. ايم. سيد جو استاد، ماستر ريواچند نهالچند، ڳوٺ ڀيان، تعلقي ڪوٽڙي، ضلعي ڄامشوري جو رهاڪو هو. سندس وڏا اصل گوپانگن جي ڳوٺ جا ويٺل هئا، جتان لڏي اچي ڀين جي ڳوٺ ۾ آباد ٿيا. فائنل پاس ڪرڻ بعد سنڌي استاد مقرر ٿيو. پهرين آگسٽ 1911ع کان 28 فبروري 1912ع تائين سن شهر جي اسڪول ۾ اسسٽنٽ ماستر ٿي رهيو. ان دوران جي. ايم. سيد وٽس پڙهيو. وٽانئس ٻيو درجو پاس ڪيائين. سندس اکر سهڻا هئا ۽ ٽيئي سال ڪاليج جا پاس ڪيا هئائين. ماستر ريواچند راڳ به سٺو ڳائيندو هو. ناٽڪ ۾ به دلچسپي هوندي هئس. سنڌ جي ڪيترن ئي صوفي شاعرن جي ڪلام جو بياض وٽس موجود هوندو هو. هو پنهنجن شاگردن ۾ به راڳ جو شوق پيدا ڪندو هو. 1912ع ۾ ٻيهر سن جي اسڪول ۾ بدلي ٿي آيو ۽ وري سال بعد بدلي ڪيو ويو. ان بعد ٽيون ڀيرو 1917ع ۾ سن جي اسڪول ۾ بدلي ٿي آيو، جتي جون 1919ع تائين رهيو. ريواچند نهالچند 25 آڪٽوبر 1944ع تي جوانيءَ ۾ ئي وفات ڪئي.
1911.08.01 عيسوي
نامور تعليمي ماهر ۽ جي. ايم. سيد جو استاد، ماستر ريواچند نهالچند، ڳوٺ ڀيان، تعلقي ڪوٽڙي، ضلعي ڄامشوري جو رهاڪو هو. سندس وڏا اصل گوپانگن جي ڳوٺ جا ويٺل هئا، جتان لڏي اچي ڀين جي ڳوٺ ۾ آباد ٿيا. فائنل پاس ڪرڻ بعد سنڌي استاد مقرر ٿيو. پهرين آگسٽ 1911ع کان 28 فبروري 1912ع تائين سن شهر جي اسڪول ۾ اسسٽنٽ ماستر ٿي رهيو. ان دوران جي. ايم. سيد وٽس پڙهيو.
1944.10.25 عيسوي
ريواچند نهالچند 25 آڪٽوبر 1944ع تي جوانيءَ ۾ ئي وفات ڪئي.